【 李漢港楷 - 李伯伯街頭書法復修計劃 】

穿插係大街小巷既招牌，形成左香港記憶既一部分，可惜係新既招牌規管條例下，好多富有特色既招牌都悄然消失。

可幸有心人出力，將昔日招牌上既字體留住，「李漢港楷」字體眾籌計劃，係由李健明先生發起，項目將字匠李漢先生留落黎嘅手稿變成電腦字體，以另一種方式傳承香港文化。

文房曾有幸到李健明先生工作室參觀，聽下佢地一直以來同黃大仙、新蒲崗嘅故事，以及與李漢先生既不解之緣。60年代李健明的父親李威先生開始係黃大仙下村做招牌，90年代下村清拆，李先後搬到新蒲崗幾個地方，包括康強街，直至17年搬到新蒲崗工廈現址至今。