【 導演鄰居在小區 】




上一次見阿斌已經係幾年前嘅上海,宜家佢已經係兩部電影《G殺》同《墮落花》嘅導演 —— 李卓斌。傾傾下先知對方工作室搬左黎新蒲崗,所以就決定踩上去搵佢傾下偈。


其實阿斌之前租過觀塘,但連OMDB都知觀塘冇得救,所以就搬到新蒲崗新址,而且呢度可以對住獅子山,靈感都多啲。


「其實已經無左香港電影,面對未知嘅審查,如果要自由創作可能只可以去台灣。」作為香港電影導演阿斌表示:「但係就講國語囉,廣東話嘅香港電影......無啦!其實拍電影都要搵食,記得《G殺》開拍之前都有一年半無工開。」


「就算作品係賣去外國網上平台,同樣難避免要配合中國市場。」所以阿斌表示選擇電影呢個媒介糊口,就預左有審查,但咁樣反而令佢清楚自己想講咩,就好似呀媽越唔比你做你越想做咁!亅