80年代尾落成嘅雙鳯街街市，係全港唯一結合多層公共停車場嘅街市，入面食材同乾貨舖頭林立，卻有一間與別不同嘅小店，販賣手作精品、明信片與小量衣裝，比起大商場那種文青小店，這裏少了份商業味，多了點人情味，細問下得知呢啲咁精緻可愛嘅作品，大部分出自兩位年輕創作人詩樂同青青。
《玉記》前身由詩樂的婆婆經營，由街邊檔到搬入雙鳯街街市，一直以販賣嬰兒衫同生活用品為主。直至早年婆婆退休，牌照傳到詩樂手上，詩樂決定用返玉記嘅名同鋪位做工作室，作品以動物為主嘅詩樂，聯同造metal work嘅青青，販賣自己嘅特色手作，同時有賣其他創作單位嘅作品，亦有啲唔同地方帶返黎既產品。
玉記，如相片中看到一樣，隱身係兩間衣紙店之間。街市牌照只可以傳三代，詩樂已經係最後一代，多謝佢地嘅努力，令呢份承傳為舊街市添點文藝氣息。
。
。
。
。
。
————————————————————